-

À chef qui rien ne regarde, autant vaut mauvais que bon être : Je ne sçay, maiz le plus souvent Les flateurs sont bien des seigneurs , Et ont tout a leur gré le vent Et raboutent tous les meilleurs ; Et cela pluseurs bons retarde D'avoir bon vouloir a leur maistre, Car a chief qui riens ne regarde Autant vault maulvaiz que bon estre. (CHART., D. Her., p.1415, 425).

-

Fou est qui d'autrui médit, si ne regarde à soi V. fou

-

Il convient de regarder avec qui on mangera plutôt que ce qu'on mangera ou boira V. manger

-

Il faut regarder à la fin des choses V. fin1

-

Les yeux sont faits pour regarder : Il a grant fain de vivre en dueil Et fait de son cuer lasche garde, Qui contre un tout seul regard d'ueil Sa paix et sa joye ne garde. Se moy ou aultre vous regarde, Les yeulx sont faiz pour regarder. Je n'y prent point aultrement garde, Qui y sent mal s'en doit garder. (CHART., B. Dame, 1424, 339).

-

Qui aucun juge de aucun crime, qu'il regarde d'abord sur soi-même V. crime

-

Qui regarde arrière et devant ne peut achever bonne quête : N'ayez pas au coeur tel folye Comme ot a tous la femme Loth Qui oncquez tenir ne se pot Pour chose qu'on l'endoctrinast Que derrier lui ne regardast. Trop se va cellui decepvant Qui regarde arrier et avant : Ne poeut achever bonne queste. Cellui qui tant moeut col et teste Ne poeut en deux lieux bien venir, Ne deux instrumens bien oÿr (Renart contref. R.L., t.2, 1328-1342, 111).

Rem. Cf. aussi Morawski 191 : Au regarder connoist on souvant la personne ; 336 : Ce qu'on vuet lire on lo doit ainçois regarder, 1541 : En resgarde volentiers ce c'on aimme, 2361 : Tel m'a regardé dont je menge l'oyl.
 

I. -

"Faire en sorte de voir"

A. -

"Porter ses regards sur, regarder" : [Richesse] Trop les regarde de mal oeil Et, se nullement accrochier Les peut, jus les fait trebuchier. (CHR. PIZ., M.F., I, 1400-1403, 113). Et, quant la royne apperçoit Que le roy la regarde et voit, A genoulz adont se baissa (CHR. PIZ., M.F., II, 1400-1403, 267).

B. -

Au fig. [Le suj. désigne le vent] "Être orienté vers, parvenir à" : Sus pope monte et se prent garde De quel part le vent nous regarde (CHR. PIZ., M.F., I, 1400-1403, 47).

C. -

Empl. abs. "Regarder" : ...cellui regardoit droit Sur pope monté du navire (CHR. PIZ., M.F., I, 1400-1403, 48).

II. -

"Examiner par un effort de réflexion, considérer" : Or regardes que tu feras. (CHR. PIZ., M.F., III, 1400-1403, 38). Or regardons se debvons bien Dieu doubter (CHR. PIZ., M.F., III, 1400-1403, 221).
 

A. -

[Le compl. d'obj. désigne une pers. ou une partie du corps] "Regarder" : O seincte teste honnouree [de Jean-Baptiste] Ung peu je vous veulx contempler. (...) Doulx yeulx, je vous veulx regarder. Premier de pleurs me soularé. Or adieu ; plus ne vous varré. Desoubz la terre vous fault mectre. (Pass. Auv., 1477, 105).

-

À l'impér. [Pour attirer l'attention de qqn]

.

[Avec compl. prép.] : Dieu, ton plaisir De moy soit fait ; aultre choisir Ne veulx que toy, mon Dieu des cieulx. Regarde moy de tes doulx yeulx ; Des angelz veulhes moy saisir. (...) O Dieu, souveigne toy de moy ! (Pass. Auv., 1477, 99).

.

[Avec effacement du compl. d'obj.] : Vostre visacge est tout plein d'eau ; Pouvre homme, il le fault essüer. Je ne vis onc plus fort süer. Regardés, il est tout moulhé ! Ce cheainche 'n est tout soulhé. (Pass. Auv., 1477, 193).

B. -

[Le compl. d'obj. désigne un spectacle (le compl. effacé désigne ici la représentation du Mystère de la Passion, qui vient de s'achever)] "Regarder, assister à" : Prince, qui es es cieulx assis, Tous nous jours te remercïons, Et ceulx qu'ont regardé, prïons Qu'il soit tout jour noz bons amis. (Pass. Auv., 1477, 280).
 

A. -

Empl. trans. indir. [Suj. animé] Resgarder à qqc. "Prendre en considération qqc." : Et comme nous avons dit, tous ouvriers en leurs arts font leurs oeuvres en resgardant au moien. (ORESME, E.A., c.1370, 161).

-

Resgarder à qqn : Les .II. [causes] sont amour et haine es quelles le juge resgarde a autre plus que a soy. (ORESME, E.A.C., c.1370, 314).

.

Resgarder à qqc. "Viser qqc." : Semblablement, le magnifique resgarde principalment a honneur. (ORESME, E.A.C., c.1370, 245).

-

Resgarder à ce que + subj. "Chercher à" : Et entendent plus et resgardent a ce que ilz facent rire les genz que ilz ne font a dire choses avenanz et honestes. (ORESME, E.A., c.1370, 270).

-

Resgarder sus qqn. "Surveiller qqn" : Si comme pour resgarder sus ceulz qui nettoient les chemins ou les maisons publiques ou par garder les blés ou les vignes, comme sunt ceulz que l'en appelle messiers. (ORESME, Pol. Arist. M., c.1372-1374, 196).

B. -

Empl. trans. dir.

1.

[Suj. animé] "Regarder qqc." : Et seroit tout aussi comme quant l'en resgarde le soleil en un mireur ou en une eaue, l'en ne le voit pas de chascun lieu dont l'en voit le mireur ne en chascun endroit, mais en certaine partie et de certaine distance, et de une autre distance l'en le voit en un autre lieu. (ORESME, C.M., c.1377, 456).

-

[Suj. inanimé] "Être en face de qqc." : Autre cause est car celle partie de terre ou celle plage qui regarde le pole antartique en tele distance comme la nostre resgarde le pole artique est desatrempee (ORESME, C.M., c.1377, 352).

2.

[Suj. animé] "Considérer qqc."

-

Quant à tout resgarder. "À tout bien prendre" : Mes la response a ceste question quant a tout resgarder est que Dieu et nature donnent a homme telez indigences et teles deffautes pour tres grant bien et pour tres bonne fin. (ORESME, Pol. Arist. M., c.1372-1374, 59).

-

[Avec une interr. indir.] : Item, concupiscence est tousjours avecques delectacion pour la presence de la chose ou object delectable, ou avecques tristece pour le absence de le object delectable et eleccion quant est de soy, ne resgarde pas se la chose est delectable ou triste. (ORESME, E.A., c.1370, 185).

-

Au passif. [Suj. inanimé] "Être envisagé" : Et donques appert que le terme de cité qui est tres bon est cestui, ce est assavoir tres grant excés de multitude a autarchie, ce est a dire assoufisance de vivre, laquele puisse estre de legier resgardee et ordenee. (ORESME, Pol. Arist. M., c.1372-1374, 289).

3.

Au passif. [Suj. inanimé] "Être surveillé" : Et donques appert que le terme de cité qui est tres bon est cestui, ce est assavoir tres grant excés de multitude a autarchie, ce est a dire assoufisance de vivre, laquele puisse estre de legier resgardee et ordenee. (ORESME, Pol. Arist. M., c.1372-1374, 289).

4.

[Suj. inanimé] "Concerner qqc." : Car en nulle chose quelconques qui resgarde oeuvres humainnes, il n'a telle constance ne si grant fermeté comme elle est es operacions qui sont selon vertu en tant que encor semblent et sont les vertus plus permanens et plus durables que ne sont les disciplines ou sciences. (ORESME, E.A., c.1370, 133). Item, ceste doubte ne resgarde pas seulement la terre, mais tous les corps du monde aussi comme se nous eussons encore commencement a determiner se les corps ont mouvement naturel ou non, et se il ont mouvement violent. (ORESME, C.M., c.1377, 544).
 

A. -

Empl. trans. indir.

1.

[Suj. inanimé] Regarder vers qqc. "Être tourné vers qqc." : Je respon que si est, mes il convient dire que le corps de la lune, en recompensant contre le mouvement que elle a en son epicicle, tourne telement en son lieu que touzjours sa face regarde vers nous en une maniere. (ORESME, C.M., c.1377, 460).

-

[Suj. animé] Regarder aux étoiles. "Avoir le regard tourné vers les étoiles" : Et Tales aloit en regardant as estoilles, si chaÿ en une fosse. (ORESME, E.A.C., c.1370, 343).

2.

[Suj. animé]

a)

Regarder à qqc. "Prendre en considération qqc." : Mais en amistié l'en doit regarder premierement a la quantité et proporcion des estas. (ORESME, E.A., c.1370, 427). Et est bon de considerer selonc verité ce que l'en puet dire en ceste matiere sanz regarder a auctorité de honme, mais seullement a pure rayson. (ORESME, C.M., c.1377, 166).

b)

Regarder à + inf. "Veiller à" : Et secondement, l'en regarde a les reduire et ramener a quantité ou proporcion deüe. (ORESME, E.A., c.1370, 427).

B. -

Empl. trans. dir.

1.

[Suj. animé]

a)

"Regarder qqn" : Mais en tant comme il regarde le mari de la femme, c'est une commutacion injuste et involuntaire (ORESME, E.A.C., c.1370, 283).

-

P. métaph. [Suj. et obj. inanimés] "Être en face de qqc." : Mais il [le feu] ne iroit pas tout d'une part pour la similitude et equalité que il a au ciel, mais chascune partie ou porcion iroit devers la partie du ciel que elle regarde et dont elle est plus pres (ORESME, C.M., c.1377, 550).

b)

"Prendre en considération qqc." : Or est ainsi que les loys parlent de toutes choses en conjecturant et regardant ou le proffit commun de tout le pueple ou de aucuns tres bons et principalx, ou de ceulz qui sont seigneurs. (ORESME, E.A., c.1370, 278).

-

[Avec une interr. indir.] "Réfléchir pour savoir" : Mais elle [la medicine] regarde en quelle maniere santé pourra estre faite. (ORESME, E.A., c.1370, 361).

-

[Avec une complét.] : Si comme un medicin quant il veult un homme guerir, il regarde que il y convient tele medicine. (ORESME, E.A.C., c.1370, 193).

2.

[Suj. inanimé] "Concerner qqc." : Item, ceste doubte ne resgarde pas seulement la terre, mais tous les corps du monde aussi comme se nous eussons encore commencement a determiner se les corps ont mouvement naturel ou non, et se il ont mouvement violent. (ORESME, C.M., c.1377, 544).

-

Regarder qqn : Et en quelle maniere different vertu et ceste justice il appert assés par les choses devant dites, et que elle est une meïsme chose que est vertu. Et en aucune maniere n'est pas une meïsme chose ; car en tant comme elle regarde autre que celui qui le a, elle est dite justice. (ORESME, E.A., c.1370, 280).
 

I. -

Empl. trans. dir.

A. -

"Diriger les yeux sur quelqu'un, sur quelque chose"

-

[Le compl. prép. évoque un sentiment, un état d'esprit] : Doulx Jesus-Crist, or me regarde Par ta doulceur, Metz mon ame en ta sauvegarde, Mon redempteur. Je sen en moy tresgrant freeur, Ne sçay pourquoy (Myst. st Laur. S.W., 1499, 180).

.

Regarder qqn de ses deux yeux. V. oeil

-

Empl. abs. [Avec un compl. circ. ou un adv. de lieu] : Je commence le cas entendre : Les povres gens ne ont point d'escout. Regardez, s'il vous plaist, partout, Que puissions loger hault ou bas. (Myst. Pass. Troyes B., a.1482, 195).

.

[D'un aveugle] Regarder devers les nues. V. nue

B. -

[D'une chose] "Concerner" : EMILÏUS. Chascun s'y est tres bien porté Jusques a cest heure en grant point, Il nous viendroit tres mal a point Qu'il [le corps de Jésus] nous feust emblé a la fin. MARC ANTHOINE. Pourquoy le dictes vous ? EMILÏUS. Afin Que chascun soit mieulx sur sa garde, Car, de fait, nostre honneur regarde Et y pend fort, vous le sçavez. (Myst. Pass. Troyes B., a.1482, 817).

II. -

Empl. trans. indir.

A. -

Regarder à qqc. "Prêter attention à, accorder de l'importance à" : Quant a ce, il le croit qui veult ; Ja n'en fault plus avans parler : On ne les peut qu'oÿr parler, Mais je n'y regarde ne conte. (Myst. Pass. Troyes B., a.1482, 862).

B. -

Regarder à + inf. "Se soucier de, se préoccuper de" : Fardeaulx leurs savez apprester, Dont vous ne voulez riens porter ; Trop bien savez vous regarder A voz seignories garder, Qui sont grosses et corporelles, Mais les loix espirituelles Sont en vous faillies et mortes. (Myst. Pass. Troyes B., a.1482, 411).

III. -

Empl. intrans. [D'une chose] Regarder qq. part. "Se diriger, être orienté" : Regardons ung peu son conduict [de l'étoile], Et quel part regarde son traict. (Myst. Pass. Troyes B., a.1482, 246).
 

"Regarder"

A. -

Empl. trans. dir. [Idée dominante de vue]

1.

"Voir, observer" : Elas ! quant je regar (...) vostre vis, Qui tant estoit biaux a divis, Par lepre si defiguré En mon cuer n'a riens figuré Mais que tristesce. (Mir. st Sev., 1362, 191). Sire, par ta benignité, Regarde ma neccessité, Car mon miex pourchacier ne say (Mir. emper. Romme, 1369, 291). Seigneurs, vezci que je regarde : Sa fille est assez sage et belle, Et si est ja grant damoiselle ; De meurs ressemble et de faiture A sa mére miex que painture. (Mir. fille roy, c.1379, 40).

-

[Le compl. est une prop.] : Car se veulx de mes mauvaistiez A la grant quantité garder, Sire, ne pourras regarder Que je doie pardon avoir. (Mir. st Guill., c.1347, 31). NOSTRE DAME. (...) Je regarde Que ma loyal amie fine De ce siecle trespasse et fine, Si vueil estre a son trespasser (Mir. mère pape, c.1355, 397). Or t'avise et regarde Conment c'est pour toy chose amére (Mir. parr., 1356, 43).

-

[Relative imbriquée] : ...le mechief que je regarde Qui sur vostre mére est cheu A ce me fait estre meu Que le vous die. (Mir. mère pape, c.1355, 385).

-

Empl. abs. : DEUXIESME SERGENT. Regarde. Ont il lié les mains Estroittement ? PREMIER SERGENT. Oil voir. (Mir. st Panth., 1364, 365). ...ne vous tardez De croire en celui qui me garde, Qui tout voit et partout regarde (Mir. st Val., c.1367, 162). Nous n'y savons homme qui miex Le puisse ne doie garder, Quant a proprement regarder, Que vostre ainsné filz, ce nous semble (Mir. ste Bauth., c.1376, 109).

-

Inf. subst. [Avec prédéterminant] "Regard, contemplation" : ...si tost que je l'ay veue [ta face] La soif de desir m'est creue, Si que ne m'ay seu garder En cel amoureux regarder (Mir. emp. Julien, 1351, 219).

2.

"Penser, considérer" : La requerrez que sanz detry Soit pour mon seigneur celebrée Une haulte messe ordenée, Afin que Diex de mal le gart. En meilleur garde, ce regart, Ne le puis mettre. (Mir. fille roy Hongrie, c.1371, 36).

-

Part. passé : LE PREMIER VOISIN. (...) au moustier la convoions [Guibour]. La graces a Dieu rendera Et a sa mére aussi, qui l'a Si bien gardée. LE DEUXIESME VOISIN. C'est chose moult bien regardée Et c'on doit faire. (Mir. femme, 1368, 219).

3.

"Chercher" : Or, regardons lieu, sanz attendre, Convenable ou il puissent rendre A Dieu ce que voué li ont (Mir. ste Bauth., c.1376, 156).

4.

[Suivi d'une circ. ou d'un adv.] "Regarder, considérer qqn de telle manière" : Diex, qui pour nous morut en croix, Puist estre de cel enfant garde ; Car s'en pitié ne le regarde, Par pére et par mére est perduz. (Mir. enf. diable, c.1339, 34). Je m'en alay (...) en mon oratoire, Deprier la dame de gloire Qu'elle en pitié me regardast (Mir. abbeesse, 1340, 96). Doulce dame, regardez nous Piteusement. (Mir. emp. Julien, 1351, 192). Aiez pitié de ma povre ame Et me regardez en doulceur. (Mir. prev., 1352, 263).

B. -

Empl. trans. indir. [Idée dominante d'attention]

-

Regarder à qqc. "Faire grande attention à qqc." : Se voulez, rassemblons demain Pour regarder a cest affaire Conment le puissons si parfaire Que veoir puissons (...) Qu'a soy marier consentir (...) se vueille. (Mir. chan., c.1361, 145).

-

Regarder + inf. "Veiller à faire qqc." : Nous sommes cy (...) Touz a l'eglise appartenans, (...) Si que nous devons regarder A l'eglise touzjours garder. (Mir. ev. arced., c.1341, 122). Ainçois devez vous regarder A droiture faire et raison Que d'une telle mesprison Faire de fait. (Mir. st Guill., c.1347, 9).
 

I. -

ASTR. "Former un aspect, c'est-à-dire un angle jugé favorable ou défavorable en astrologie" : ...et soit noté que touteffois que Saturne est mal regardé, les Juifz ont eu tousjours et auront des enuies et des labeurs, et plus communement fort assouffrir et affere. (SIMON DE PHARES, Astrol., c.1494-1498, f° 129 r°).

II. -

GÉOM. "Être en face de" : Ayes l'instrument ... en maniere que la ligne .h.j. et la ligne .j.k. facent un rectangle et que la ligne .a.b. de ton instrument regarde droictement .j. (NIC. CHUQUET, Géométrie H., 1484, 174).

III. -

ARITHM. "Être en rapport avec" : Et les aultres figures d'icellui nombre regardent lune laultre en ceste proportion (NIC. CHUQUET, Triparty M., 1484, I, 608).

IV. -

MÉD. "Observer, tenir compte de, veiller à" : Il esconvient que le phisicien regarde la maladie, et considere se la vertu en le dietant sera assez forte pour soustenir jusques a l'estat, ou se la diete ne suffise pas et que il ne deffaille premierement, ou se la maladie deffauldra avant et s'abesse. (SAINT-GILLE, A.Y., 1362-1365, 55). Ces choses qui sont mises hors, il ne convient pas de regarder la multitude de l'evacuacion, [mais] secondement les choses mises hors, c'est a dire la qualité, et considerer se les corps les pevent soustenir (SAINT-GILLE, A.Y., 1362-1365, 57). ...il fault aucune foiz faire evacuacion jusques a deffeccion, en ce cas on doit tousjours regarder se la vertu est forte pour soustenir. (SAINT-GILLE, A.Y., 1362-1365, 57).
 

I. -

Empl. trans.

A. -

"Diriger les yeux vers qqn ou qqc." : ...et muoyt toutes ses contenances a tous ses signes, a la guise que fait l'imaige du miroir envers celuy qui le regarde : elle rit quant on rit, elle ploure quant on ploure. (GERS., Noël, p.1404, 306).

-

"Regarder attentivement" : Les paintures de ce temple sont les bons exemples des sains et sainctes que nous devons regarder et ensuyr. (GERS., Purif., 1396-1397, 63).

B. -

"Prendre en considération (en tournant son esprit vers l'intérieur)" : Je te afferme que tant de peine, de travail, de soucy et de honte ne te fault pas souffrir pour servir Dieu, ton bon et loyal amy, et paradis avoir, comme ceulz icy prenent pour argent et enfer acquerir. Mais regarde en surplus que fait amour de vaine gloire. (GERS., Concept., 1401, 412). Tu es enclin en vices et tantost coules en pechie, et a vertus tu es foible et a peine fais oeuures vertueuses : regarde de quoy tu te dois orguillir et enfler, vrayement se tu te congnois es choses deuant dictes tu te conuertiras a lermes et a gemissemens, tu te conuertiras a Dieu en humilite (CIB., p.1451, 198).

C. -

"Examiner (en tournant son esprit vers l'extérieur)" : Il fault regarder se la commaternité precede mariage ou ensieuve mariage. S'il precede mariage ou copulation charnele, licitement il puet avoir deux commeres a femmes l'une aprez l'aultre. (Sacr. mar., c.1477-1481, 56).

D. -

"Concerner, avoir trait à" : Notez bien la difference que met l'Apostle, c'est a scavoir vocation, justification, predestination, magnification. Vocation retrait de mal. Justification regarde le premier bien de grace. Predestination regarde le bien final, la retribution de la glore eternele. La magnification est grandeur de la glore de paradis. Ou tu pues dire que predestination ordonne a la glore. Vocation donne la grace et la presente, justifiement le conferme et le donne de fait par remission des pechiéz (Somme abr., c.1477-1481, 166).

E. -

ASTR. [D'une planète par rapport à une autre] "Se trouver à un écart angulaire significatif d'événements heureux ou funestes" : ...Si [Mars] regarda directement Jupiter d'un mauvaiz regart, Communelment nommé le quart (LA HAYE, P. peste, 1426, 28). Et disoit aussi estre signe de paix quant Saturne ne regardoit de mal aspect Jupiter ne Mars, et touteffois que Mars estoit receu regardant Saturne debille, disoit estre les guerres et contrarietés, et, s'ilz s'entreregardoient sans reception, signiffioient moult de batailles et interfections. (SIMON DE PHARES, Astrol., c.1494-1498, f° 29 r°). ...dit que quant les trois planetes haultes viennent ensemble et que le Soleil les regarde, que c'est grande conjunction et fait les grans roys. (SIMON DE PHARES, Astrol., c.1494-1498, f° 77 v°). ...et soit noté que touteffois que Saturne est mal regardé, les Juifz ont eu tousjours et auront des enuies et des labeurs, et plus communement fort assouffrir et affere. (SIMON DE PHARES, Astrol., c.1494-1498, f° 129 r°).

F. -

EAUX ET FORÊTS. "Visiter périodiquement une forêt pour évaluer les dégâts et pour prendre les mesures nécessaires à sa conservation" : Item, sont tenus païer un septier d'avoine à l'ancienne mesure, cinquante harens, cinquante chandelles de cire de demi pié de long, XXV pains de couvent, un septier de vin de couvent, et ne les doivent fors une fois l'an, quant les regardeurs regardent les meffais de ladite forest, ou à plus long temps se plus y attendent à regarder. (HECTOR DE CHARTRES, Cout. R., 1398-1408, 4).

II. -

Part. prés. en empl. subst.

A. -

"Celui qui regarde, spectateur" : Semblablement je dy que la phisonomie nostre Dame esmouvoit les regardans a toute pureté et chasteté, et mortifioit luxurieuse cogitacion. Nous avons que quant Moyse ot parlé a Dieu, sa face resplendissoit forment, et une saincte paour aux regardans engendroit. (...) La seconde consideracion est que, selon le dit de Aristote, nature fait la phisonomie des princes dignes telle que elle esmeut les regardans a creme[u]r et reverence (GERS., Concept., 1401, 425).

B. -

EAUX ET FORÊTS. Regardant. "Surveillant, inspecteur d'une forêt" (synon. regardeur) : ...il est regardant es dictez forestz, lequel regart on apelle franc jugeur, et à cause de ce, est franc de pasnage et de pastuarge [l. pasturage] pour ses bestez (HECTOR DE CHARTRES, Cout. R., 1398-1408, 67).

III. -

Inf. subst.

A. -

"Regard, vue" : Premiers ly fin dyamant soy traihent tout al regarder, à coulour de fier poly, quant il sont assis en ouvrage [Éd. : "se soustraient entièrement aux regards, par (en prenant) une couleur de fer poli, quand..."]. (MANDEVILLE, Lap. M., c.1350-1390, 175).

B. -

"Manière de perception visuelle" : ...on y voit [chez les bêtes] les V sens du corps aussi parfaictement ou plus : les chiens ont plus parfait odorement a merveille et les voultours aussy, le singe nous passe en gouster, le porc sauvaige en escouter, l'aigle et le lins en regarder (GERS., Trin., 1402, 152).
 

A. -

[Idée de vue]

1.

"Regarder" : La y avoit mainte chose nouvelle Belle a ouÿr, a voir et regarder Pour paix nourrir et justice garder, Sur echauffaulx ou raison large et ample Estoit gardee pour doctrine et exemple. (LA VIGNE, V.N., p.1495, 145).

2.

Au fig. Regarder contre. "Être tourné du côté de" : Et sur son harnois avoit une cocte blanche semee de fleurdeliz, et son espee toute nue en son point hault eslevee, regardant contre Napples ; et soubz les piedz de son cheval avoit ung lyon pour les Florentins, et ung grant serpent pour le duc de Millan, et avoit escriteaux a la louenge du roy de France. (LA VIGNE, V.N., p.1495, 275).

B. -

[Idée de considération]

1.

"Considérer" ; en partic. "lire" : Car, a bien regarder les croniques et hystoires du temps passé, on ne trouve point si grande ne si penible entreprise avoir esté faicte. (LA VIGNE, V.N., p.1495, 278).

2.

Regarder que + compl.

a)

"Penser, s'aviser" : PERE. (...) Trois sepmaynes, sans reposer, Ma fille les fievres a heu Et au lit depuis lors a geu, Maigre, deffaicte, macte et fade, Sans jamais partir dudict lieu Tant estoit de son corps malade. Incontinant lors je regarde Que de vous une espitre avoye, Laquelle encore bien je garde, Et luy mys au lieu que debvoye. Incontinant ma fille en voye Se mist soubdain et fut guerye (LA VIGNE, S.M., 1496, 469).

b)

"Croire, penser avec certitude" : SAINCT MARTIN. (...) Par ce moyen vous pouez regarder Si tant de biens Dieu le Pere nous fait, Que Dieu le Filz n'est cause de l'effect, Car en cella rien ne luy appartient (LA VIGNE, S.M., 1496, 333).

3.

Sans regarder à/de

a)

Sans regarder à qqc. "Sans viser à, sans avoir pour but" : Ilz estoyent bien en nombre huyt cens lances, Montez, bardez ainsi comme dit est, Tous gentilz hommes dignes de grans vaillances Pour tost avoir d'un pays le conquest Sans regarder au gaing ne a l'aquest, Mais aux honneurs et louenges famees, Ainsi que gens de maisons renommees, Progredïez, plains de noble vouloir, Qui ont tousjours les provinces aymees Ou guerre gist, pour eulx faire valoir. (LA VIGNE, V.N., p.1495, 212).

b)

Sans regarder de + inf. "Sans chercher à" : Es grans maisons tendant d'estre emparees Drap d'or fut mis par despit a l'esvent, Soye requise estoit si drue au vent, Tant riche fust de figure ou enseigne Sans regarder de les mettre en espargne, Qu'on n'en faisoit mise, recepte ou compte Ne plus ne moins que de bureau d'Auvergne, Ou d'autre drap qui bien petit se monte. (LA VIGNE, V.N., p.1495, 220).

C. -

[Idée de soin]

1.

Regarder au fait de qqn. "En prendre soin" : CATECUMINAIRE. J'ay des maulx a si grant foison Que d'en eschapper n'ai ge garde ; J'ay le cueur si mact et si fade Que plus n'en puis, comme il me semble. S'a mon fait brief on ne regarde, Je suis mort ; tout le corps me tremble. (LA VIGNE, S.M., 1496, 377).

2.

Regarder de + inf. "Veiller à" : SAINCT MARTIN. Mes freres, il fauldra regarder D'en rendre a Dieu grace et louenge Affin qu'il se puisse amender Et tousjours a bien il se renge. (LA VIGNE, S.M., 1496, 385).
 

I. -

Empl. trans. dir.

A. -

"Chercher qqn du regard" : ...la bonne dame, qui ça et là regardoit son trescher filz (LA SALE, Reconf. De Fresne H., 1457, 30).

B. -

"Chercher à savoir, par le moyen de la vue" : Le petit Saintré, quant il fut bien loing de la chambre, se tira a un costé et regarda de ça et de la se nul le veoit, lors tira la boursse de sa manche (LA SALE, J.S., 1456, 51).

C. -

"S'apercevoir, constater que" : Au genrre de ceste aguë prudence est premierement a raconter Junius Brutus ; car quant il regarda que son oncle Tarquinus Superbus faisoit tous les josnes hommes nobles de Romme morir (...) il faignist qu'il estoit bestial et ygnorant (LA SALE, Salade, c.1442-1444, 24). Et de ce Vallerius dit que, pour v(e)oir, Juppiter, le grant dieu des Rommains, eust grant pitié de la vertu rommaine que emprumpta ayde a callidité, quant il regardoit que, en souveraine deffaulte de vivres, ilz gettoient ce qu'ilz devoient plus garder. (LA SALE, Salade, c.1442-1444, 39).

II. -

Empl. trans. indir.

A. -

Regarder à qqn. "Avoir égard à qqn, soumettre sa conduite à la volonté, à l'enseignement de qqn" : Mais neantmoins le bon et vaillant prince, regardant au seigneur duquel le Pappe estoit vicaire (...) humblement et a tresgrans obeïssances mist mediateurs de l'accord du Pappe et de luy. (LA SALE, Salade, c.1442-1444, 169).

B. -

Regarder en qqc. "Veiller attentivement à qqc." : En laquelle chose tout bon et proeudomme prince doit bien regarder, adfin que par luy soient les bons honnourez (LA SALE, Sale D., 1451, 30).

III. -

Empl. abs. "Examiner une question" : C'est a tous chose mal faite de entreprendre, et pis de executer, sans licence de son seigneur ou de cellui qui a son pouoir et sa charge. Et qui vouldroit regarder a la rigueur, quelque bien qu'il en venist, il en devroit bien estre pugny qui le fait autrement. (LA SALE, J.S., 1456, 237).

IV. -

Inf. subst. "Action de regarder, regard" : ...de ses oreilles nul villain escouter, de ses yeulz ung faulz regarder (LA SALE, J.S. E., 1456, 59).
 

I. -

Empl. trans. dir.

A. -

"Diriger sa vue sur" : Mes tout ainsi comme levai Mes yex en haut et regardai, Une mont grant merveille vi Dont grandement fu esbahi. (GUILL. DIGULL., Pèler. vie hum. St., c.1330-1331, 96). Quant devant le roy o conté Ce de quoi avïons parlé Et quelles les opinions ëu ensemble en avïons, Le pere le fil regarda Et a dire ainsi commenca... (GUILL. DIGULL., Pèler. J.-C. S., 1358, 671). Se elle [l'assemblée de trois personnes qui ne font qu'un, dans la Trinité] semble variable, Muant ou entr[e]changable [ms. entrchangable], La vëue achoisonnee En doit estre qui muable Est souvent et alterable , Non la chose regardee. (GUILL. DIGULL., Pèler. âme S., c.1355-1358, 10762).

-

[Suivi d'une circ. ou d'un adv.] "Regarder, considérer qqn de telle manière" : "Sire, dis je, qui jugement De ma cause dois terminer, Vueilles en pitie regarder, Se je fis onques rien ou dis Pour quoy je doie estrë ouis..." (GUILL. DIGULL., Pèler. âme S., c.1355-1358, 1408).

.

Regarder qqn de travers. V. travers1

B. -

"Examiner par un effort de réflexion" : Et sergant du roy Roboam Fu le roy dit Jheroboam. Et a parler g[e]neraument [ms. gneraument], Qui regarde le fundement De touz les roys du tempz passé Et des princes qui ont este, Nul estoc ne racine n'ont Fors dë Adam de quoi touz sont. (GUILL. DIGULL., Pèler. J.-C. S., 1358, 1922).

II. -

Empl. trans. indir. Regarder à. "Porter toute son attention à" : "D'autre part, grief chose seroit Que li qui nulle rien ne doit Et qui nul mal n'a desservi Payast et de paine puni Fust [éd. F[ë]ust], et ceux qui ont mespris Feussent quictes et non punis. Ja jugie ceci ne sera Qui adroit y regardera." (GUILL. DIGULL., Pèler. âme S., c.1355-1358, 6095).

III. -

Empl. pronom. réfl. Se regarder dans./se regarder dedans./se regarder en (un miroir). "Examiner son visage, sa silhouette dans un miroir" : HUISEUSE. Miex aime mes gans enformer Et moi pignier et moi graver, Moy regarder en .I. mirour Que je ne fais autre labour. (GUILL. DIGULL., Pèler. vie hum. St., c.1330-1331, 6849). Et comment quë en verité Il [y] [ajout au ms.] ait desparelleté Entre mirouour et celui Qui se regarde dedens li, Toutevoies rien a dire De la face qui se mire N'a à la miree face (GUILL. DIGULL., Pèler. J.-C. S., 1358, 4848).
 

I. -

Empl. trans. dir.

A. -

Regarder qqn

1.

"Jeter ses regards sur lui, l'observer" : Quand le bon seigneur fut dedans, et il eut alumé de la chandelle, il regarda la belle compaignie dedans le lict (C.N.N., c.1456-1467, 213). Ceulx qui la virent la regarderent tresbien ; mais aultre secours ne luy firent [D'une femme en train de se noyer] (C.N.N., c.1456-1467, 313).

-

Regarder et percevoir : Combien ay je aujourd'huy regardé et perceu de peres estans aux jeuz de leurs enfans (C.N.N., c.1456-1467, 556).

-

Regarder et choisir : ...nous avons regardé et choisy pour vous une belle fille et bonne, qui nous semble bien vostre fait. (C.N.N., c.1456-1467, 132).

2.

P. ext. "Examiner" : ...donne Margarite (...) fut regardée par ceulx de la justice, qui trouverent qu'elle avoit tous telz membres et oustilz que les hommes portent, et que vrayement elle estoit homme, et non pas femme. (C.N.N., c.1456-1467, 303).

B. -

Regarder qqc.

1.

Au propre : ...a l'endroit du secret mal fut fait ung beau pertus, par le quel damp cordelier le povoit apertement choisir. Il regarde ce mal, puis d'un costé, puis d'aultre (C.N.N., c.1456-1467, 35). ...le procureur (...) survint, et marche avant pour tirer vers son clerc, pour regarder qu'il escripvoit (C.N.N., c.1456-1467, 153). "Or vestez ceste robe." Elle la regarde et voit qu'elle est de gros bureau. (C.N.N., c.1456-1467, 322).

2.

Au fig.

-

"Faire attention à la chose" : Ha ! regardez que vous dictes (C.N.N., c.1456-1467, 382).

-

"Prendre cette chose en considération" : ...j'ay bien tout regardé, je ne pense pas que ma langue eust la puissance de descouvrir la tresgrand infortune que j'ay si longuemen portée. (C.N.N., c.1456-1467, 93). ...bon bergier se fourre dedens, comme s'il ne coutast rien, sans regarder merque, ne signe, ne promesse qu'il eust faicte a sa bergiere (C.N.N., c.1456-1467, 482).

C. -

Regarder que

1.

Au propre. "Constater après examen que" : Il regarda que bien matin encores estoit, et que madame n'estoit pas encores eveillée (C.N.N., c.1456-1467, 117).

2.

Au fig. "Apporter son attention à ce que" : ...soiez demain prest au point du jour, et aussi seray je. Et regardez que tout nostre bagage soit bien atinté. (C.N.N., c.1456-1467, 179).

-

Regarder en soi que : J'ay regardé en moy, dit le curé, pource que je vouldroye le bien et avancement de vostre filz, que la fille d'un tel (...) seroit trop bien sa charge (C.N.N., c.1456-1467, 297).

D. -

Regarder + prop. inf. : Le charreton se sourdit et la regarda rire (C.N.N., c.1456-1467, 344). A peine qu'il ne saillit de son siege hors du sens, quand il regardoit son curé estre habillé en guise de mommeur. (C.N.N., c.1456-1467, 532).

E. -

Regarder + interr. indir. : Ce n'est pas merveille, dit il, mais regardez comment nous ferons. (C.N.N., c.1456-1467, 248). ...veez cy bon jacobin qui attrotte, regardant derriere luy si ame le suyvoit. (C.N.N., c.1456-1467, 307). ...a celle heure voulut avoir la chandelle et regarder si sa femme osoit bien couscher sans compaignie en son absence. (C.N.N., c.1456-1467, 444).

F. -

[Valeur passive] : ...force fut qu'elle endossast ceste robe, qui estoit bien estrange a regarder. (C.N.N., c.1456-1467, 322).

II. -

Empl. trans. indir.

-

Regarder à qqc. : ...vous estes bien meschantes gens, et a vostre fait mal regardans (C.N.N., c.1456-1467, 432). ...[il] commença sa harengue a l'heure, sans regarder a aultre chose. (C.N.N., c.1456-1467, 432).

-

Regarder de qqc. : Que nous fault il donc plus ? dit il, regardez vous et elle du surplus. [Apprenant de sa dame qu'elle a une servante de confiance, l'amant leur confie le soin de préparer une rencontre] (C.N.N., c.1456-1467, 248).

-

Regarder l'oeil sur qqc. : La bonne damoiselle, qui tout ce sans mot dire regardoit, souvent regardoit l'oeil sur son varlet et sa chambriere (C.N.N., c.1456-1467, 486).

III. -

Empl. abs.

A. -

[Avec un adv. tenant lieu de compl.] : ...ne se peut saouler de assez regarder. (C.N.N., c.1456-1467, 35). ...tant regarda a dextre et a senestre qu'il apperceut le tresbel arbre (C.N.N., c.1456-1467, 89). ...oncques ne l'avoit sceu trouver, et si avoit beaucop regardé. (C.N.N., c.1456-1467, 194).

B. -

[Sans adv.]

1.

Au propre : ...le galand (...) passa ung tour ou deux par devant l'ostel de la belle et regarda a l'huys pour veoir s'il y pourroit entrer (C.N.N., c.1456-1467, 379). ...son aultre oeil soit caché, car l'usage qu'il a a regarder empesche la garison de l'autre malade. (C.N.N., c.1456-1467, 504).

-

Voir et regarder : ...elle s'avança de venir veoir et regarder par les crevasses des fenestres et secretz treilliz d'icelles (C.N.N., c.1456-1467, 567).

2.

Au fig. : Vous dictes bien, dirent ces bonnes gens. Nous regarderons et penserons pour vous comme pour nous mesmes ou ung de noz enfans. (C.N.N., c.1456-1467, 132).

-

En partic. [Pour attirer l'attention de l'interlocuteur] : ...pour un pouvre coup que j'ay accolée ma femme, elle m'a fait ung enfant. Or regardez, si a chacune foiz que je recommenceray elle en fait autant, de quoy je pourray nourrir le mesnage ? (C.N.N., c.1456-1467, 200).
 

I. -

Empl. trans.

A. -

[D'une pers.] "Examiner, observer" : ...fu fait venir Richart de Bules, herbier, demourant devant rue Neuve Nostre-Dame de Paris, auquel lesdites herbes dessus dites furent moustrées, et lui commandé que icelles il regardast et advisast bien (Reg. crim. Chât., I, 1389-1392, 313). ...elle qui parle regarda les gens desdites noces qui danssoyent à dansse ronde. (Reg. crim. Chât., I, 1389-1392, 341).

-

Regarder en soi que + ind. "Constater après examen que" : Lesquelles parolles par lui oyes et conceues, en soy regarda et advisa qu'il avoit perdu son voyage, et s'estoit pené et traveillié, et encores peneroit et traveilleroit sanz cause (Reg. crim. Chât., I, 1389-1392, 521).

-

Regarder que + ind. "Faire attention que" : Sy devez bien regarder que vous ne chargez vostre ame pour chose qu'il soit, ne pour homme qui à vous parle, et gardez l'ame sur toutes choses. (Reg. crim. Chât., I, 1389-1392, 538).

-

Regarder que + subj. "Prendre garde que" : Et lors ledit Pierre se partit et ala audit lieu et fontaine de ladite porte, et regarda que nul ne le vit (Reg. crim. Chât., I, 1389-1392, 472).

-

Regarder si + condit. : ...comme il faisoit semblant de regarder s'il trouveroit aucuns compaignons qui beussent à l'enseigne du Heaume, à la porte Baudoir, il vit, comme au lieu où la dame de leans reçoipt son argent, l'un des clers (Reg. crim. Chât., I, 1389-1392, 104).

B. -

[D'une chose] "Concerner" : ...la matiere dont l'en traitte ad present, qui est chose très-hayneuse, touchant crime de lese-magesté, et regardant le bien et chose publique (Reg. crim. Chât., I, 1389-1392, 487).

II. -

Empl. abs. : ...maiz il ne porent, pour les voisins qui regardoient sur ycelles fenestres (Reg. crim. Chât., I, 1389-1392, 98). ...il qui parle et autres en sa compaignie, qui presens estoient, regarderent entre les piez d'eulz deux, et virent et trouverent icelli mordant qui estoit choit à terre (Reg. crim. Chât., II, 1389-1392, 380).
 

Empl. trans.

A. -

Regarder qqn

1.

"Prendre soin de qqn ; protéger qqn" : ...[le duc de Bourgogne] avoit peril a ung léz a le chassier [le dauphin] d'en ariere de luy, avoit peril a l'aultre a le regarder et norrir (CHASTELL., Chron. IV, D., c.1461-1472, 92).

2.

Regarder qqn de bon oeil. V. oeil

B. -

Regarder qqc. "Examiner qqc." : ...apréz ce que lesdis deputéz eurent regardé a part ce que bon leur avoit samblé (CHASTELL., Chron. IV, D., c.1461-1472, 43).
 

I. -

Empl. trans.

A. -

Regarder qqc.

1.

DRAP. "Inspecter, examiner la qualité des draps" : ...que tous avoirs de lanage, quels k'il soit, amenés dedens le banliuwe de Valenchiennes et deskierkiés en le halle de le lainne u ailleurs, hormis lainne à sun, que tout chou u il ara 60 lb. u plus, a qui que che soit, soit fais rewarder par l'assent dou prevost u dou mayeur de le halle, a le requeste de celui qui li avoirs sera u de personne de par lui souffissant, anscois qu'il en soit faitte nulle moustre ne nulle sarpilliere descousue (Drap. Valenc. E., 1344, 268).

2.

Regarder + prop. complét. à l'inf. "Considérer, juger" : ...ilz [les religieux] seront tenus dire et cellébrer par chacun an perpétuellement en leur église à tel jour de caresme comme ilz regarderont estre espédient, ung obiit, c'est assavoir le ser vespres et matines des trespassés et l'en demain messe à notte des trespassés, c'est assavoir lesdites matines à neuf lichons, pour le salut et rédemption des ames des dessusdiz. (Cartul. Hôtel-Dieu Cout. L., 1439, 252).

B. -

Regarder qqn. "Examiner pour le soigner"

-

Se faire regarder : ...le dit Nicolas Barré (...) se parti du dit village de la Flaviere et ala ou village de la Roche Richart distant par deux lieues du dit village de la Flaviere, et au dit village de la Roche Richart se coucha, sanz soy faire regarder ne visiter (Doc. Poitou G., t.5, 1386, 303).

II. -

Empl. trans. indir. [D'une chose]

A. -

Regarder devers/sur. "Avoir vue vers, sur" : Item, pour avoir faict en icelle chambre, aux fenestres qui regardent devers le pont d'Arches, sur le petit courtil, une pouiée toute nuefve (Trés. Reth. S.L., t.2, 1409-1410, 613). À Pierre Michel, fustier, le derrenier jour d'avril, la somme de dix escuz, sur l'ouvraige de la gallerie que le roi fait faire à sa bastide d'Aix, qui regarde sur le jeu de paulme (Comptes roi René A., t.1, 1478, 18).

B. -

Regarder à qqn. "Concerner qqn" : ...et d'un autre fiéx, ad cause de madite femme, et pour cause de son doaire qui li puet rewarder et à lie appartenir, pour cause de feu Poncelet Manfroy, son premier marit (Trés. Reth. S.L., t.2, 1384, 314).
 

I. -

[Le suj. désigne une pers.]

A. -

"Diriger les yeux sur" : ...à la devote priere desdis habitans, qui exiterent à grant devocion et compassion ceulz qui veoient ladite procession, tant que à paines les povoit on regarder sans lacrimacion. (FAUQ., II, 1421-1430, 279).

B. -

Au fig. [Le suj. désigne Dieu] "Tourner son regard compatissant vers" : ...et se Dieu de sa grace n'eust regardé son povre pueple, les biens de terre estoient en grant peril et par consequant le pueple (BAYE, I, 1400-1410, 93).

C. -

"Décider" : ...pour assembler et adviser entre eulz leurs advis sur certaines besoingnes touchant l'estat et gouvernement de ce royaume, et yceulz advis rapporter par devers pour proceder sur ce, si comme ladicte Court regardera. (FAUQ., I, 1417-1420, 11).

II. -

[Le suj. désigne une chose] "Avoir rapport à, concerner" : ...son entention n'est pas de soy meller aucunement de l'execution de feu l'arcevesque de Besançon, quant à ce qui regarde fait de recepte ou de mises (BAYE, I, 1400-1410, 121). ...et que en ce qui concernera ou regardera l'estat et l'office de ladicte Court, elle [la Cour]fera ce qu'il appartendra. (FAUQ., II, 1421-1430, 296).
 

A. -

"Regarder, chercher à percevoir par la vue"

1.

Qqn regarde

a)

Regarder qqn : Et lors regarda la dame qui ot laissié le chanter, et la va saluer tres humblement en lui portant le plus grant honneur et reverence qu'il oncques pot. (ARRAS, c.1392-1393, 7). Ces dames et ces damoiseaulx les regardent par les fenestres des souliers, et dient que oncques mais n'avoient veu deux damoiselles de plus noble affaire. (ARRAS, c.1392-1393, 165). Et lors montent a cheval a moult belle compaignie, et vindrent en la cité ou dames et damoiselles, chevaliers et escuiers, bourgois et gens de commun les regardoient a merveille. (ARRAS, c.1392-1393, 187). Et cil les regarde tous trois moult longuement avant qu'il parlast, et moult se donne merveille de la grant fierté d'eulx trois et enseur que tous de Gieffroy qui fu plus grant et plus fourny des autres sans comparoison. (ARRAS, c.1392-1393, 222). Tant cria Gieffroy que le jayant s'esveille, et vint a une fenestre et regarde Gieffroy tout armé sur le destrier, la lance sur la cuisse. (ARRAS, c.1392-1393, 245). Et lors commenca la dame a faire moult de piteux regrez et de souspirs, et regardoit Remond moult piteusement, et tous ceulx qui la estoient, et plouroit si tendrement que tous en avoient grant pitié. (ARRAS, c.1392-1393, 259). Mais le conte, qui moult doubta la mort, cuida saillir en une petite garite qui estoit prez. Et le pié lui failly, et tumba tout contreval le rochier, et fu tous desroez et mort avant qu'il venist aval. Gieffroy le regarde d'amont et le voit moult hideusement devoré. (ARRAS, c.1392-1393, 268). Puis trayent les espees, et se vont entredonnant si grans et si merveilleux coups que ceulx qui les regardent d'oultre la riviere sont tous esbahiz comment ilz pevent endurer la peine. (ARRAS, c.1392-1393, 300).

-

Au passif : L'ystoire dit que les deux freres se partirent de leurs tentes a moult noble baronnie de leurs gens, avec la baronnie du pays, et errerent tant qu'ils vindrent a Lucembourc, ou ilz furent moult regardez : Dieux, dist ly uns a l'autre, comme veez la deux fiers hommes, et qu'ilz sont a ressoingnier. Cil n'est pas saiges qui a telz gens prent noise ne debat. Et moult ont grant merveille de la joe Anthoine. Et en verité ce estoit une estrange chose a veoir (ARRAS, c.1392-1393, 165).

b)

Regarder qqc. : Et lors le roy regarde a senestre le fons d'une valee et voit l'ost de son frere qui s'estoit logié sur la riviere ; et d'autre part, voit a dextre, l'ost des Sarrasins, qui estoient grand multitude. (ARRAS, c.1392-1393, 135). Et voit son cheval d'encoste lui, si remonte en regardant la bataille, et bien advise Gieffroy qui faisoit grant occision de ses Sarrasins. (ARRAS, c.1392-1393, 232). Et endementiers Gieffroy regarda contremont les grans fallizes qui sont haultes et droictes, et voit les trois autres hermitaiges par dessus lui (ARRAS, c.1392-1393, 278). Et le roy demeure et regarde les grans richesces que il voit de tous costez. (ARRAS, c.1392-1393, 303).

-

Au passif : ...et la trouverent Remond et lui presenterent la teste [du géant] de par Gieffroy. Sachiez que il en fu moult joyeux ; et fu la teste moult regardee, et s'esmerveillent tous comment Gieffroy l'osa onques assaillir. (ARRAS, c.1392-1393, 248).

-

Regarder + interr. indir. : Mais Gieffroy, qui ne creint rien, attent ou plus hault estage de la tour grant piece de temps et regarde s'il verra rien venir. Ainsi comme vous ouez, attendy Gieffroy de nonne jusques a vespres qu'il ne voit ne oit nulle chose du monde. (ARRAS, c.1392-1393, 297).

.

Regarder quand : Et ainsi qu'il regardoit quant Gieffroy ystroit du cavain, si apperceut une route de gens de cheval qui entroient en la carriere par ou Gieffroy venoit (ARRAS, c.1392-1393, 199).

-

Regarder que. "S'apercevoir que" : Et Gieffroy chevaucha tant, lui et son escuier, qu'il ot environné la forteresse. Et regarda bien que au costé de devers le pont c'estoit le plus feble, et lui sembla bien que par la pourroit elle bien estre prinse d'assault. (ARRAS, c.1392-1393, 199).

c)

[Le compl. d'obj. n'est pas désigné] Regarder + compl. indiquant la direction du regard : Le conte, qui moult savoit d'astronomie, regarde ou ciel, et voit les estelles cleres, et l'air pur, et la lune estoit moult belle, sans tache, ne obscurté. (ARRAS, c.1392-1393, 19). ...le conte regarde tousjours ou ciel contremont (ARRAS, c.1392-1393, 19). Et quant le conte le vit venir [le sanglier], si regarde lez soy, et vit un espie, et boute l'espie ou feurre, et print l'espie, et le met soubz la plante du pié et l'abaisse. (ARRAS, c.1392-1393, 22). Remondin regarde devant soy et voit naistre gens du fons de la valee (ARRAS, c.1392-1393, 77). ...il vint en droit heure de my nuit a la corniere d'un bois sur une petite montaigne, et regarde en la valee, et voit l'ost des Sarrasins, ou il voit grant clarté de feux qui sont par les logeiz, et appercoit la cité (ARRAS, c.1392-1393, 95). Lors fu Florie moult joyant, et vint a la fenestre et regarde en la mer et voit tant gallees et tant maint grant vaissel qui arrivoient au port, et ot ces trompectes sonner et instrumens de pluseurs sons. (ARRAS, c.1392-1393, 143). Sire roy, dictes moy pourquoy vous menez si grant doulour. Sire, dist le roy, par Dieu, il y a bien cause. Or vous plaise a regarder en ceste lettre et vous verrez la douleur et le meschief ou mon frere est, auquel je ne puis aidier ne conforter, car vous avez confondue ma puissance. (ARRAS, c.1392-1393, 172). Lors, quant il appercoit l'uis, si tire l'espee et mist la pointe a l'encontre, qui moult estoit dure, et tourne et vire tant qu'il y fist un pertuis ; et regarde dedens, et voit Melusigne qui estoit en une grant cuve de marbre, ou il avoit degrez jusques au fons. (ARRAS, c.1392-1393, 241). Lors un pou après regarde devant lui, et voit un grant chevalier devant lui (ARRAS, c.1392-1393, 297). Le roy y entre et regarde par my la chambre, et y voit grant foison de chevaliers pains (ARRAS, c.1392-1393, 304).

-

Regarder derriere soi : Il vint, sans plus dire, a son dromadaire et monte, car il avoit si grant paour de la fierté qu'il avoit veue en Gieffroy que tousjours regardoit derriere lui, de paour que Gieffroy ne le suivist, et dist a lui mesmes (ARRAS, c.1392-1393, 223).

-

C'est merveilles à regarder : Atant se taist Remondins, et lors apporta on mès a si grant planté que c'estoit merveilles a regarder. (ARRAS, c.1392-1393, 30).

2.

[D'une chose] "Être tourné vers, donner sur"

-

Regarder à/sur qqc. : Et celle chambre regardoit sur les vergiers, qui moult furent delictables et regardoit aux champs au lez de devers Lusegnen. (ARRAS, c.1392-1393, 254).

B. -

[Avec l'esprit] "Réfléchir, considérer"

1.

Regarder qqc. : Et lors icelle Melusigne traist Melior sa serour, et Palestine, s'autre serour, a part, et leur dist : Mes chieres seurs, or regardez la grant griefté et misere ou nostre pere a mis nous et nostre mere, qui eussiemes esté en si grant aise et en si grant honnour. Or n'en est il bon a faire ? Quant a moy, de ma partie, je m'en pense a vengier, car aussi pou de soulaz qu'il a empetré a nostre mere par sa faulseté, je lui pense a faire. (ARRAS, c.1392-1393, 11). ...vostre pere ot nom Hervy de Leon, lyquelz fu en sa jeunesse moult de chaude colle. Et sachiez que il ne doubtoit ne cremoit chose que nulz homs esprins et plain de feu de jeunesse et de hardement deust doubter ne cremir en regardant honneur. (ARRAS, c.1392-1393, 48). Anthoine, frans et nobles chevaliers, les barons de ceste contree ont regardé et consideré la grant honneur que vous avez fait a leur dame, a son pays et a eulx, et aussi que vous ne voulez riens avoir du leur, ne de leur dame. (ARRAS, c.1392-1393, 169).

2.

Regarder + interr. indir. : ...se ne feust l'aide de Dieu et de vous, ces traicteurs m'eussent mis a mort en trahison. Or regardons qu'il en est bon a faire. Par foy, sire, dist Hervy, or en faictes vostre voulenté. Je vous diray, dist Remondin, que nous ferons. Faisons pendre tous ceulx qui sont du lignaige Josselin (ARRAS, c.1392-1393, 73). Soiez larges aux bons. Et quant vous donnez quelque chose, ne le faictes pas attendre longuement. Mais regardez quant, combien, pourquoy, ou se la personne le vault, ou, se il est a maistre, se son maistre le vault. (ARRAS, c.1392-1393, 85). Ma belle niepce, Dieu mercy, voz besoingnes sont en bon party, et vostre pays est delivré du dangier des Sarrasins par la puissance de Dieu et des deux freres de Lusegnen. Or fault regarder comment vostre terre soit gouvernee dores en avant a vostre honneur et prouffit et de voz gens. (ARRAS, c.1392-1393, 188). Seigneurs barons, dist le roy, il vous fault entre vous adviser comment vous ayez un vaillant homme pour gouverner le royaume de ma niepce, car terre qui est en gouvernement de femme, c'est petit de chose. Or regardez qui y sera bon au prouffit et honneur de ma niepce et au vostre. (ARRAS, c.1392-1393, 188).

3.

Regarder que : Et aussi, se fortune et bonne aventure nous vouloit estre amie, nous avons bien voulenté de conquerir terres et pays. Car nous regardons que nous sommes ja VIIJ. freres, et sommes bien tailliez d'estre encores autant ou plus, et a dire que vostre terre feust partie en tant de pars, cellui qui devroit tenir le chief de la seignourie ne pourroit pas gueres tenir d'estat, veu le noble et grant estat que monseigneur mon pere et vous tenez. (ARRAS, c.1392-1393, 83).

4.

[Le compl. d'obj. n'est pas désigné] Regarder en pitié. "Faire preuve de pitié envers qqc." : Si vous pry humblement qu'il vous plaise a moy mettre a finance si raisonnable que je ne soye pas destruiz de ma seignourie, et vous y plaise a regarder en pitié, non pas prendre ma fole emprise en vostre rigueur, combien que je congnoiz que j'ay bien desservi a estre pugny rigoureusement. (ARRAS, c.1392-1393, 167).